ՍԽԱԼ
Թևերդ չկտրեցի,
Պատահեց այն, ինչ տեսնում ես։
Նրան զգուշացրու՝
Իմ սխալը չկրկնի։
Ազամ Ռադ
Կարող ենք հասկանալ, որ գրողը ազատությունը չէր վերցրել ինչ-որ մեկից, և պատեհել է այն, ինչ պատահել է։ Այդ պատահածից խրատվելով՝ պետք է զգուշացնի ուրիշին, որ նույն սխալը չկրկնի։ Իհարկե, կարևոր է սխալների վրա սովորելը, եթե մի բանը անում ես, և վատ է ստացվում, փորձում ես էլ չկրկնել, և միշտ չէ, որ ստացվում է։
***
Սխալը ծնունդս էր։
Առաջին որոշման մեջ ինչու՞ ենք միշտ սխալվում։
Շամս Լանգեռուդի
Գրողը, երևի թե, գտնվում էր վատ հոգեկան վիճակում։ Մտածելը, որ քո ծնվելը քո առաջին սխալ որոշումն է… Մի կողմից տարօրինակ է, մյուս կողմից՝ տխուր… Մենք չենք որոշում. ծնվել, թե՝ ոչ։
***
Կվերադառնաս, բայց այնքա՜ն ուշ,
Գուցե հաջորդ կյանքում, ուր ես թրչուն դարձած
Կրկին զույգ եմ փնտրում։
Ռեզա Քազեմի
Հնարավոր է, որ ում մասին խոսում է գրողը, արդեն մահացել է կամ ուղղակի հեռացել է։ Բայց գրողը վստահ է, որ հաջորդ կյանքում իրենք կհանդիպեն… Հույսը վերջում է մեռնում։
***
Հեռու ենք
մետաղադրամի երկու կից կողմերի պես:
Մեհդի Աշռաֆի
Ամեն այս փոքր երկտողի հետ ավելի ու ավելի եմ սիրահարվում իրանական պոեզիային։ Օրինակ՝ այս մեկը 7 բառով կարողացավ ինձ մի ամբողջական էսսեի չափ բան ասել…
***
Ի՜նչ անխելք են նրանք,
որ կարծում են՝
քո պատկերն եմ կախել պատից:
Չգիտեն՝
տանս պատերն եմ կախել պատկերիցդ:
Շամս Լանգեռուդի
Պատկերավոր, սիրվող և հիասքանչ. յուրաքանչյուր տարիքում էլ այս տողերը հարազատության և առնչության զգացում կտան։
Սարգիս Շահինյան 